Այն մասին, թե ինչ է մեզ հայտնի հասարակության
Մայիս 14, 2019
Մոլորակի տարեց բնակչության թվի աճը ստիպում է տնտեսագետներին, սոցիոլոգներին, բժիշկներին, փիլիսոփաներին և այլ մասնագիտությունների տեր մարդկանց վերանայել ծերացման ֆենոմենը: 
Բնակչության ծերացումը կամ ժողովրդագրական ծերացումը բնակչության կառուցվածքում տարեց բնակչության տեսակարար կշռի աճն է, ինչը երկարատև ժողովրդագրական փոփոխությունների, բնակչության վերարտադրության, ծնելիության, մահացության և դրանց հարաբերակցությունում տեղ գտած տեղաշարժերի, մասամբ նաև` միգրացիայի հետևանք է:
Ստորև՝ մի քանի փաստ, որոնք անհրաժեշտ է հաշվի առնել հասարակության ծերացման հետևանքով առաջացած հիմնախնդիրների հաղթահարման համատեքստում.
Մի շարք մասնագետների կարծիքով ծերացումը զարգացման անհատական գործընթաց է,
այն պետք է դիտարկել ոչ թե դեգրադացման տեսանկյունից, այլ որպես անհատի ֆիզիկական, մտավոր և հուզական հասունության յուրահատուկ զարգացման շարունակական գործընթաց:
Տարեց մարդիկ կենսունակ են այնքան ժամանակ, քանի դեռ կարողանում են փոխանցել իրենց փորձառությունը երիտասարդ սերնդին:
Կենսունակությունը պայմանավորված է սոցիալական միջավայրին պետքական լինելու զգացողությամբ: Սակայն խնդիրը կայանում է նրանում, որ ժամանակի ընթացքում ըստ ժամանակի մարտահրավերների պատրաստ չլինելով վերասոցիալականացնել իրենց գիտելիքներն ու փորձառությունը, նրանք օտարվում են երիտասարդությունից, ինչի արդյունքում երկխոսությունը, ի հաշիվ որի պետք է տեղի ունենար փորձի և գիտելիքների փոխանցումը, չեղարկվում է:
Ըստ ՄԱԿ-ի կանխատեսումների 2050թ-ին 65-ից բարձր տարիք ունեցողները կկազմեն բնակչության 22-23%-ը: Կանայք կազմում են ընդհանուր բնակչության 52%-ը, իսկ տարեց բնակչության մեջ՝ 59%-ը:
Ինչ վերաբերում է Հայաստանին, ապա ըստ միջազգայնորեն ընդունված ժողովրդագրական նորմերի՝
ՀՀ-ն համարվում է ծերացող երկիր:
Վիճակագրության համաձայն՝ աղքատության մակարդակը Հայաստանում կազմում է մոտավորապես 30%, 60-64 տարեկանների շրջանում` 24%, իսկ 65 և բարձր տարիք ունեցող անձանց շրջանում՝ 32%:
Ամփոփելով, անհրաժեշտություն է առաջանում պատասխանել հետևյալ հիմնահարցերին.
արդյո՞ք այս հարցի շուրջ մինչ այսօր իրականացված հետազոտությունները և ռազմավարությունները գրանցել են որոշակի արդյուքներ⁉️ և եթե ոչ, ապա 
ՀՀ համապատասխան ինստիտուտները, ինչու չէ նաև հասարակական կազմակերպություններն ունեն արդիական ռազմավարություն և տեսլական, թե ինչ միջոցներով և գործիքակազմով պետք է հաղթահարեն հասարակության ծերացումը ⁉️
Տարեցները յուրաքանչյուր երկրի մտավոր ու հոգևոր ներուժն են, արժեքային համակարգի կրողներն են, պատասխանատուները՝ սերունդների համերաշխության և հասարակության ներդաշնակ զարգացման ...
Նյութը պատրաստել է Լիբերալ քաղաքականության դպրոցի ուսանող 
Մարիամ Ղզմալյանը։

Share via:
2018թ․ ԱԺ ընտրություններ
► ԼՀԿ ռեյտինգային ցուցակները ըստ ընտրատարածքների՝
2018թ․ Երևանի Ավագանի
2017թ․ Երևանի Ավագանի
2017թ. ԱԺ ընտրություններ
► ԵԼՔ դաշինքի ռեյտինգային ցուցակները ըստ ընտրատարածքների՝
Արաքսյա Գրիգորյան
Անահիտ Կարապետյան
Էդմոն Մարուքյան
Դավիթ Խաժակյան
Աննա Կոստանյան
Գևորգ Պապիկյան
Ռուզաննա Հարությունյան
Գոհար Մաթևոսյան