♦ Հանդես է գալիս երիտասարդ, ինքնաբավ, կայացած, օրինակելի և արդեն ավագանու փորձառություն ունեցող անհատների անկաշառ ու սկզբունքային մարդկանց թիմով, որոնք հանրային շահը գերադասում են մասնավոր հետաքրքրություններից, չեն առաջնորդվում պահի թելադրանքով կամ անձնական շահով։ 

♦ Կներդնի շահերի բախման ու կոռուպցիոն ռիսկերի բացառման, գնումների գործընթացների վերահսկողության արդյունավետ և թափանցիկ մեխանիզմներ՝ ապահովելով բարենպաստ պայմաններ ներդրողների համար, որոնք կստեղծեն նոր աշխատատեղեր։

Սիրելի' հայրենակիցներ,

Դեկտեմբերի 5-ին Վանաձորում կայանալիք ՏԻՄ ընտրություններում Լուսավոր Հայաստան կուսակցության նախընտրական ցուցակը կգլխավորի Հրանտ Գնունու Այվազյանը։
․

2016 թվականի ՏԻՄ ընտրությունների արդյունքում Վանաձորում առաջին անգամ քաղաքական կուսակցությունների միջոցով ձևավորվեց համայնքի ավագանին։ Չնայած «Լուսավոր Հայաստան» կուսակցության հաղթական ընտրարշավին և ընդդիմադիր բևեռի ձևավորման փորձերին ընդդեմ Վանաձորի երկարամյա Հանրապետական իշխանության, «Լուսավոր Հայաստան» խմբակցությունն իր տասը անդամով դարձավ մեծությամբ 2-րդ խմբակցությունը և հինգ տարի շարունակ ջանք ու եռանդ չխնայեց իշխանական մեծամասնությանը փոխզսպելու ու հակակշեռու, ինչպես նաև ավագանու ինստիտուտի կայացման ուղղությամբ։ Վանաձորի օրինակով, ինչպես վանաձորցիները, այնպես էլ ՀՀ շատ համայնքներ դարձան ավագանու ինստիտուտի դերի և նշանակության պրակտիկ գործունեության ականատեսը։

Սիրելի՛ հայրենակիցներ,
Ցանկանում եմ տեղեկացնել, որ, որպես քաղաքապետի թեկնածու, ՏԻՄ ընտրությունների ժամանակ գլխավորելու եմ «Լուսավոր Հայաստան» կուսակցության նախընտրական ցուցակը:

Ինչպես արդեն գիտեք դեկտեմբերի 5-ին Գուգարք, Շահումյան և Դարպաս համայնքները, գտնվում են խոշորացման փուլում, և պետք է տեղի ունենա խոշորացված համայնք Վանաձորի ավագանու և համայնքի ղեկավարի ընտրություն:

Ինձ և մեր քաղաքական թիմի համար մեծ ուրախություն և պատիվ կլինի ձեր վստահության քվեով Համայնքի ղեկավարի և ավագանու կարգավիճակում մեր սիրելի համայնքին ծառայելը։