Էդմոն Մարուքյան

Էդմոն Հրաչիկի Մարուքյանը ծնվել է 1981 թվականի հունվարի 13-ին Վանաձոր քաղաքում:


Կրթություն

2002թ. Ավարտել է Մոսկվայի կոմերցիայի և իրավունքի ինստիտուտի իրավագիտության բաժինը` ստանալով իրավագիտության բակալավրի աստիճան:

2006թ. Ավարտել է Վարշավայի Մարդու Իրավունքների բարձրագույն դասընթացը և ստացել մարդու իրավունքների և շահերի պաշտպանության մասնագետի որակավորում:

2007թ. Ավարտել է ՀՀ Կառավարման Պետական Ակադեմիայի մագիստրատուրան և ստացել իրավագիտության մագիստրոսի աստիճան:

2010թ. Ավարտել է ԱՄՆ Մինեսոտայի Համալսարանի իրավաբանական դպրոցը և ստացել Մարդու իրավունքների և միջազգային իրավունքի մագիստրոսի աստիճան:

Աշխատանքային գործունեություն

2001 թվականից ակտիվորեն ներգրավված է եղել իրավապաշտպան գործունեության մեջ: Հանդիսանում է մի շարք հասարակակական կազմակերությունների հիմնադիր անդամ: Անդամակցում է բազմաթիվ միջազգային իրավապաշտպան ցանցերի:

1999-2001թթ. ծառայել է ՀՀ Զինված Ուժերում:

2002-2004 թվականներին` «Մեդիա Գրուպ» լրատվական հասարակական կազմակերպության իրավաբանական բաժնի ղեկավար:

2005- 2006 թվականներին` ՀՀ ոստիկանության ձերբակալված անձանց պահելու վայրերում վերահսկողություն իրականացնող հասարակական դիտորդական խմբի անդամ:

2005 – 2012 թվականներին` ՀՀ արդարադատության նախարարության քրեակատարողական հիմնարկներում և մարմիններում հասարակական վերահսկողություն իրականացնող դիտորդական խմբի անդամ:

2007-2008 թվականներին` Վանաձորի պետական մանկավարժական ինստիտուտի Փիլիսոփայության և քաղաքագիտության ամբիոնում, դասախոս:

2008 թվականից` ՀՀ փաստաբանների պալատի անդամ, փաստաբան:

2008-2012 թվականներին «Պոպուլեքս» ՍՊԸ փաստաբանական գրասենյակում որպես գործընկեր, փաստաբան:

2010 թվականին գործընկերների հետ հիմնադրել է «Ռազմավարական դատավարությունների կենտրոն» իրավապաշտպան հասարակական կազմակերպությունը, որն ի թիվս բազմաթիվ այլ գործերի, Մարդու իրավունքների եվրոպական դատարան է ներկայացրել հայ գերու գործն ընդդեմ Ադրբեջանի Հանրապետության:

2010-2012 թվականներին` Human Rights Watch միջազգային իրավապաշտպան կազմարեպություն, ազգային փորձագետ:

2012 թվականին Վանաձոր քաղաքի թիվ 30 ընտրատարածքից մեծամասնական ընտրակարգով ընտրվել է Հայաստանի Հանրապետության Ազգային ժողովի պատգամավոր, անկուսակցական: 

2015 թվականին հիմնադրել է Լուսավոր Հայաստան Կուսակցությունը։ Հանդիսանում է որպես կուսակցության Կառավարման խորհրդի նախագահ։

2017 թվականին խորհրդարանական ընտրություններում ընտրվել է ՀՀ ԱԺ պատգամավոր։

ՀՀ ԱԺ Պետական-իրավական հարցերի, Պաշտպանության, ազգային անվտանգության եւ ներքին գործերի, Արտաքին հարաբերությունների մշտական հանձնաժողովների անդամ էր։

2018 թվականի դեկտեմբերի 9-ին Ազգային ժողովի արտահերթ ընտրություններում ռեյտինգային ընտրակարգով թիվ 3 ընտրատարածքից (Մալաթիա-Սեբաստիա, Շենգավիթ) ընտրվել է որպես ԱԺ պատգամավոր։

ՀՀ ԱԺ Լուսավոր Հայաստան խմբակցության ղեկավարն է։

ԵԽԽՎ Մարդու իրավունքների եվրոպական դատարանի դատավորների ընտրության և Մոնիթորինգի հանձնաժողովների անդամ է։

Ամուսնացած է, ունի երեք զավակ:

Ավելին՝ պաշտոնական կայքում։


Share via:
2018թ․ ԱԺ ընտրություններ
► ԼՀԿ ռեյտինգային ցուցակները ըստ ընտրատարածքների՝
2018թ․ Երևանի Ավագանի
2017թ․ Երևանի Ավագանի
2017թ. ԱԺ ընտրություններ
► ԵԼՔ դաշինքի ռեյտինգային ցուցակները ըստ ընտրատարածքների՝
Մանե Թանդիլյան
Գրիգորի Դոխոյան
Հարություն Բաբայան
Աստղիկ Ավետիքյան
Կարինե Ղուկասյան
Կորյուն Շեկոյան
Մագդա Արսենյան
Քնարիկ Պետրոսյան