Այսօր Երևանի ավագանու ԵԼՔ խմբակցությունը ներկայացրեց իր առաջին վեց նախագիծը փողոցների անվանափոխության վերաբերյալ։ Առաջարկվում է անվանափոխել հինգ փողոց և անվանակոչել մեկ փողոց։ 

1. Երեւանի Կասյան փողոցն անվանափոխել Վազգեն Ա Վեհափառի անունով։

2. Երեւանի Անաստաս Միկոյան փողոցն անվանափոխել Քըրք Քըրքորյանի անունով։

3. Երեւանի Ֆրունզե փողոցն անվանափոխել Ապրիլյան Հերոսների փողոց։

4. Երեւանի Ամիրյան փողոցն անվանափոխել Վռամշապուհ արքայի անունով։ Ի դեպ, 90-ականների սկզբին փողոցն արդեն իսկ անվանափոխված է եղել Վռամշապուհ արքայի անունով։

5. Երեւանի Լենինգրադյան փողոցն անվանափոխել Լեոնիդ Ազգալդյանի անունով։

6. Իսակովի Պողոտան Լենինդգրադյան փողոցին միացնող փողոցը անվանակոչել Մոնթե Մելքոնյանի անունով։

Նախագծի հեղինակներն են ԵԼՔ խմբակցության ղեկավար Դավիթ Խաժակյանը, ավագանու անդամներ Անի Սամսոնյանը, Արայիկ Հարությունյանը, Անահիտ Բախշյանը, Թեհմինա Վարդանյանը, Անի Խաչատրյանը և Տիգրան Ավինյանը։