Թրամփ, Գրենլանդիա, ՆԱՏՕ․ աշխարհակարգը փլուզվում է, իսկ ինչով ենք զբաղված մենք

Այս տեսանյութի ընթացքում խոսում ենք միջազգային իրավիճակի մասին, որը գնալով ավելի լարված ու վտանգավոր է դառնում, բայց Հայաստանում գրեթե չի քննարկվում բավարար խորությամբ։ Թեմայի կենտրոնում Թրամփի քայլն է՝ Միացյալ Նահանգներին Գրենլանդիան միացնելու հարցը, որն արդեն վերածվում է միջազգային խոշոր բախման և լուրջ փորձության թե՛ Եվրոպայի, թե՛ ՆԱՏՕ-ի համար։

Գրենլանդիան Դանիայի կազմում գտնվող ինքնակառավարվող տարածք է, իսկ Դանիան ՆԱՏՕ-ի անդամ պետություն է։ Ստացվում է՝ ՆԱՏՕ-ի ամենահզոր անդամը՝ ԱՄՆ-ը, փաստացի պահանջ է ներկայացնում ՆԱՏՕ-ի մեկ այլ անդամից՝ տարածք վերցնելու ուղղությամբ։ Սա արդեն ոչ միայն քաղաքական, այլ նաև անվտանգային և աշխարհակարգային ցնցում է։

Քննարկում ենք նաև, թե ինչու է Թրամփը Գրենլանդիան ներկայացնում որպես «անվտանգային անհրաժեշտություն», ինչ դեր ունի Չինաստանի ու Ռուսաստանի գործոնը, ինչպես են արձագանքում եվրոպական երկրները և ինչու է այս իրավիճակը նմանվում նախկինում տեսած սցենարներին՝ «ուժեղի օրենքի» տրամաբանությամբ։