Մայիսի 23-ին «ԱՀԱԶԱՆԳ» նախաձեռնության համակարգող խմբի անդամներ Արշակ Մեսրոպյանը և Քրիստինե Վարդանյանը հանդիպում են ունեցել ԱԺ «Լուսավոր Հայաստան» խմբակցության պատգամավորներ Անի Սամսոնյանի և Գևորգ Գորգիսյանի հետ՝ քննարկելու Հարկային օրենսգքրի փոփոխությունների նախագիծը:
Երկուստեք հնչեցին մտահոգություններ նախագծի ժամանակավրեպության և նրանում տեղ գտած հաշվարկների թերի լինելու առնչությամբ:
Քննարկվեց նաև նախագծի՝ օրենքի ուժ ստանալու դեպքում առաջացող ռիսկերը և բացասական ազդեցությունը ՀՀ բնակչության կյանքի վրա:
Խմբակցության ներկայացուցիչները վստահեցրեցին, որ իրենք քաջ գիտակցում են նախագծի հետևանքները, որոնց նկատմամբ «Լուսավոր Հայաստան» խմբակցությունն անտարբեր չէ։