Ամասիայում Ադրբեջանցիներ են վերադառնում, Երևանում սկանդալային կրակոցներ են

Այս թողարկման ընթացքում խոսում ենք մի շարք աղմկահարույց և մտահոգիչ իրադարձությունների մասին։ Մինչ Երևանում հայերը զինված հաշվեհարդար են տեսնում իրար հետ, Ադրբեջանի քաղաքացիները հանգիստ գալիս են Ամասիայի շրջան, շրջում իրենց մեքենաներով, վերհիշում խորհրդային տարիների կյանքը և բացահայտ սպասում, որ 2026 թվականի ընտրություններից հետո Հայաստանում նույն իշխանությունները վերարտադրվեն, ինչից հետո իրենց համար ճանապարհը լիովին կբացվի։

Անդրադարձել ենք նաև Ադրբեջանի նախագահ Իլհամ Ալիևի հերթական սկանդալային հարցազրույցին France 24-ին։ Լրագրողի հարցին նա հայտարարել է, որ Բաքվի բանտերում գտնվող հայերը, իր խոսքով, ավելի ծանր ոճրագործություններ են կատարել, քան նույնիսկ Հիտլերը։

Տեսանյութում քննարկում ենք՝ ինչ քաղաքական նպատակներ են հետապնդում նման հայտարարությունները, ինչ է տեղի ունենում իրականում և ինչպես է արձագանքում այս ամենին Հայաստանի իշխանությունը, որը փաստացի ընտրել է լռության դիրքորոշումը։