Կառավարության հարցուպատասխան, ՀՊՏՀ ռեկտորի ժ/պ գիտական աշխատությունների արտագրությունների վերաբերյալ
Փետրվար 12, 2020
ՀՀ Աժ «Լուսավոր Հայաստան» խմբակցության պատգամավոր Աննա Կոստանյանը փետրվարի 12- ին կառավարության հարցուպատասխանի ժամանակ անդրադարձել է ՀՊՏՀ անվերջ թվացող խնդիրների կծիկը բացելու և արդարացի լուծում տալու անհրաժեշությանը և հիշեցրել ԿԳՄՍ նախարարի՝ նախորդ տարվա սեպտեմբերի 30-ին արված հայտարարությունը, այն է՝ «Ցանկացած ոք, ռեկտորի պաշտոնում ով կլինի, եթե նրա մոտ արտագրությունների դեպքեր բացահայտվեն, ապա նա կլքի պաշտոնը» և«Ցանկացած փաստի դեպքում հետևանքները լինելու են: Բոլորը տեսել են դա իմ գործողությունների մեջ, այդ գիծը շարունակվելու է, այստեղ անձնական շահագրգռվածություն չկա և չի կարող լինել»։