Նորից ենք օրինագիծը դնելու շրջանառության մեջ. Մանե Թանդիլյանը՝ ԿԳՄՍՆ-ի չկատարած խոստման մասին
Փետրվար 12, 2020
ՀՀ Աժ «Լուսավոր Հայաստան» խմբակցության պատգամավոր Մանե Թանդիլյանը փետրվարի 12- ին կառավարության հետ հարցուպատասխանի ժամանակ հարց է ուղղել ԿԳՄՍ նախարարին․ «․․․նախարարությունը դեռևս 2019թ տարեվերջին պետք շրջանառության մեջ դներ «Բարձրագույն կրթության և գիտության մասին» ՀՀ օրենքի նախագիծ․ ներկայացվել է նախագիծը, թե՞ ոչ»։ Արձագանքելով նախարարի պատասխանին, պատգամավորը հայտարարեց․ «վստահ չեմ, որ նախարարությունը կներկայացնի նախագիծը, քանի որ հայտարարությունից անցել է ամիսներ և դուք պահանջում եք ևս 3 ամիս նախագիծ ներկայացնելու համար, հետևաբար ես հայտարարում եմ, որ կրկին շրջանառության մեջ կդրվի «Հայաստանի Հանրապետությունում հաշմանդամների սոցիալական պաշտպանության մասին» ՀՀ օրենքում փոփոխություններ կատարելու մասին» օրենքի նախագիծը, որով առաջարկվում էր 3-րդ կարգի հաշմանդամություն ունեցող ուսանողները ևս հնարավորություն ունենան անվճար սովորելու»։