Սրբուհի Էդիկի Գրիգորյան-Սիսիանում ս․թ․ հոկտեմբերի 2-ին սպասվող ՏԻՄ ընտրություններում Լուսավոր Հայաստան Կուսակցության կողմից առաջադրված քաղաքապետի թեկնածու
Սրբուհի Գրիգորյանը ծնվել է 1974 թվականի դեկտեմբերի 29-ին, Սիսիան քաղաքում: 1981-1992թթ սովորել է քաղաքի N3 միջնակարգ դպրոցում: 1994-1996թթ ուսանել է Սիսիանի Հումանիտար քոլեջի Թարգմանչական գործ բաժնում: 2015թ. հիմնադրել է «Երիտասարդության ձայն» ռադիոհաղորդումը: 1998թ.-ից աշխատել է «Սիսիանի լրատու» ռադիոխմբագրությունում որպես ռադիոլրագրող, հետագայում նաև՝ ռադիոհաղորդավար: 2000-2004թթ.աշխատել է նաև «Սիսիանը և մենք» տեղական հեռուստաստուդիայում որպես հեռուստալրագրող և հաղորդավար: Միաժամանակ թղթակցել է Հայաստանի հանրային և Սյունիքի մարզային ռադիոների լրատվական ծրագրերին: 2004-2005թթ. աշխատանքի է անցել նորաբաց «Որոտանյան ղողանջներ» ՍՊԸ-ում՝ որպես հեռուստալրագրող և հաղորդավար: 2001-2006թթ. բարձրագույն կրթություն է ստացել Գորիսի պետական համալսարանի «Հայոց լեզու և գրականություն» ֆակուլտետում: 2006թ-ից մշակութաբանություն և փիլիսոփայություն է դասավանդում Հայաստանի ազգային ագրարային համալսարանի Սիսիանի մասնաճյուղում: 2004-2005թթ. խմբագրել է Լուսնթագ ՀԿ—ի «Լուսնթագ» գործարար թերթը: 2005-2015թթ. աշխատատել է «Սիսիանի լրատու» ՍՊԸ-ում՝ որպես «Սիսիանի ձայն» թերթի լրագրող, ապա՝ խմբագիր և հեռուստալրագրող: Միաժամանակ թղթակցել է «Երկիր Մեդիա», «Շանթ» հեռուսաընկերությունների «Երկին այսօր» և «Հորիզոն» լրատվական ծրագրերին: 2012 թ. ընտրվել է Սիսիանի համայնքի ավագանու անդամ: 2015թ. հիմնադրել է «Սիսիանի կանանց ռեսուրս կենտրոն» հիմնադրամը, որի գործադիր տնօրենն է: Գիտական երկու հոդվածների հեղինակ է:

Սիսիան քաղաքի զարգացման ծրագիր

1․ Բնակարանային ֆոնդ

Վթարային բազմաբնակարան շենքերի վերանորոգման ծրագրի առաջանահերթություն, պետական և միջազգային դրամաշնորհների ներգրավում: Նոր որակի համատիրությունների ստեղծում, համատիրությունների համար վճարվող գումարների թափանցիկ և հաշվետու օգտագործում:

2․Ճանապարհներ և ենթակառուցվածքներ

Համայնքային օգտագործման ճանապարհների վերանորոգում, վերանորոգման մրցույթների անցկացման թափանցիկության ապահովում, վերահսկելիության որակական ավելացում, երթևեկության նշանների տեղադրում, գծանշումների իրականացում։

3․ Բարեկարգում

Սիսիան քաղաքի կանաչապատում, զբոսայգիների մաքրում և բարեկարգում, քաղաքի սանիտարական վիճակի բարելավում։

4․ Մշակույթ և ժամանց

Խաղահրապարակների ստեղծում և հների վերանորոգում, բացօթյա կինոթատրոնի ստեղծում, գրադարանի արդիականացում, քաղաքի կենտրոնում անվճար wifi կապի տրամադրում:

5․ Տուրիզմի զարգացում

Տուրիստական տեղեկատվական կենտրոնի ստեղծում, էկոտուրիզմի ուղղության զարգացում, տեղական փառատոնների կազմակերպում:

6․ Էներգախնայողություն և լուսավորություն

Պետական և համայնքային հիմնարկների էներգախնայողության մակարդակի բարձրացում, համայնքային միջոցների տնտեսում:

7․ ՓՄՁ աջակցություն

Միկրո, փոքր ձեռնարկություններին համայնքային աջակցության ապահովում, իրավական օգնության տրամադրում, բիզնես միջավայրի բարելավում:

8․ Սոցիալական աջակցություն

Միջազգային և տեղական ներդրումների ներգրավման շնորհիվ նոր աշխատատեղերի ստեղծում։ Սոցիալապես անապահով ընտանիքներին համայնքային աջակցության ծրագրերի իրականացում:

9․Մանկապարտեզներ

Մանկապարտեզների գույքի, խաղալիքների, շենքային և սանիտարահիգիենիկ պայմանների արդիականացում:

10․Հուշարձաններ

Հուշարձանների վերանորոգում, վերականգնում, սկզբնական տեսքի վերստեղծում։

11․Շրջակա միջավայր

Շրջակա միջավայրի առողջացում, կանաչ գոտիների ավելացում, Որոտան գետի հունի մաքրում և հետագա ճահճացման կանխարգելում:

12․Աղբահանություն

Քաղաքային աղբամանների տեղադրում, աղբի վերամշակման և տեսակավորման կենտրոնի ստեղծում։

13․Քաղաքացիական հասարակության հետ համագործակցություն

Մասնավոր և համայնքային մարմինների միջև համագործակցության աստիճանի բարձրացում, հասարակական մասնակցության և վերահսկողության ավելացում:

14․Միջազգային համագործակցություն

Քույր քաղաքների հետ համագործակցության ակտիվացում, նոր քույր-քաղաքների հետ համագործակցության հաստատում, փորձի փոխանակում, միջազգային ծրագրերի մասնակություն:

15․Սիսիան քաղաքի զարգացման հիմնադրամի ստեղծում:

Ռուզաննա Հարությունյան
Աստղիկ Ավետիքյան
Կարեն Սիմոնյան
Աշխեն Թանդիլյան
Նարա Հովհաննիսյան
Դավիթ Խաժակյան
Անի Սամսոնյան
Հայկ Կոնջորյան