Երևանի ավագանու ԵԼՔ խմբակցությունը պաշտոնական այցի շրջանակներում հանդիպել է Ստեփանակերտի քաղաքապետի և ավագանու հետ
Օգոստոս 30, 2017

Օգոստոսի 29-ին Երևանի ավագանու ԵԼՔ խմբակցության անդամները պաշտոնական այցով գտնվել են ԼՂՀ մայրաքաղաք Ստեփանակերտում, հանդիպել քաղաքապետ Սուրեն Գրիգորյանի և քաղաքի ավագանու հետ։

Հանդիպման օրակարգում քննարկվել են քաղաքային հիմնախնդիրներին առնչվող մի շարք հարցեր, մասնավորապես՝ աղբահանության, շինարարության և բարեկարգման, կրթության, ճանապարհաշինության, բնակարանային ֆոնդի, տուրիզմի զարգացման սահմանափակ կարողություն ունեցող անձանց համար քաղաքի մատչելիության վերաբերյալ։ Մանրամասն քննարկվել են հանրային տրանսպորտի ոլորտում առկա խնդիրները կապված ավտոբուսների քանակի, դրանց շահագործման և սպասարկման գրաֆիկի հետ։ ԵԼՔ խմբակցության ղեկավար Դավիթ Խաժակյանը ներկայացրել է Երևանում տրանսպորտային բարեփոխումների նոր ծրագիրը և աշխատանքը WYG խորհրդատու կազմակերպության հետ։

Քաղաքապետ Սուրեն Գրիգորյանը ներկայացրել է նաև Ստեփանակերոտւմ շուրջօրյա ջրամատակակարման ապահովման (ծրագրի արժեքը շուրջ 10 մլրդ դրամ), նոր աղբավայրի ստեղծման, բազմաբնակարան շենքերի վերանորոգման, բակերի բարեկարգման, նոր ճանապարհների կառուցման, փողոցների լուսավորության, սոցիալական հատուկ խմբերին բնակարաններով ապահովելու և հաշմանդամություն ունեցող անձանց համար քաղաքի մատչելիության ապահովման ուղղությամբ արդեն իսկ իրականացրած և նախատեսվող աշխատանքները։

Առանձնահատուկ քննարկում է եղել կրթության ոլորտի վերաբերյալ՝ մասնավորապես նախակրթական խնդիրների, ներառական կրթության  և դպրոցների՝ մարզակրթական գործառույթների լիարժեք կիրառման մասին։ Երևանի քաղաքապետարանի Մշակույթի, Կրթության և սոցիալական հարցերի մշտական հանձնաժողովի նախագահ Արայիկ Հարությունյանը պատրաստակամություն է հայտնել ստեղծել համագործակցության դաշտ, սեփական փորձով և գիտելիքներով աջակցել կրթական ծրագրերի իրականացմանը։

Անդրադարձ կատարվեց քաղաքի կառավարման օրենսդրական և ավագանու դերի կարևորման հարցերին։

Հանդիպման ավարտին ԵԼՔ խմբակցության ղեկավար Դավիթ Խաժակյանը նշել է, որ խմբակցությունը պատրաստակամ է նպաստել Ստեփանակերտի և Երևանի միջև արդյունավետ համագործակցությանը և փորձի փոխանակմանը։ Նա հույս է հայտնել, որ խմբակցության և Ստեփանակերտի ավագանու միջև գործնական հարաբերությունները կլինեն արդյունավետ և շարունակական։

Այցի ընթացքում ԵԼՔ խմբակցության անդամները Ստեփանակերտի փոխքաղաքապետներ Սուրեն Թամրազյանի ու Արմեն Հակոբյանի ուղեկցությամբ այցելել են Արցախի զոհված Ազատամարտիկներ թանգարան և Ստեփանակերտի Հուշահամալիր, ինչպես նաև ծանոթացել են Երևանի քաղաքապետարանի աջակցությամբ Ստեփանակերտի կենտրոնում կառուցվող Ազատամարտիկների նոր այգու շինարակական և նախագծային աշխատանքներին

Արմեն Եղիազարյան
Կարինե Ղուկասյան
Աշխեն Թանդիլյան
Գևորգ Պապիկյան
Դավիթ Խաժակյան
Անի Սամսոնյան
Անահիտ Կարապետյան
Գրիգորի Դոխոյան