Որոշ հանրապետականներ փորձում են մարդկանց շփոթության մեջ գցել. Քրիստ Մարուքյան
Փետրվար 23, 2017

Որոշ հանրապետականներ փորձում են մարդկանց շփոթության մեջ գցել ու տարընթերցումների միջոցով մեր համաքաղաքացիներին համոզել, թե իբր ավագանու նիստ կարելի է գումարել ընդամենը ինը ավագանու անդամների ներկայությամբ։

Միանգամից առնվազն երկու հարց է ծագում՝

1. Եթե նման հնարավորություն է տալիս օրենք, ապա ինչո՞ւ չեն նիստեր գումարվում՝ հաշվի առնելով, որ ՏԻՄ նոր օրենքն ընդունվել է 2016թ. դեկտեմբերին։

2. Եթե ավագանու ցանկացած ինը անդամ, ըստ այդ տրամաբանության, կարող է նիստ գումարել և որոշումներ ընդունել, ապա կարող են լինել ինը տարբեր անդամներից բաղկացած նիստեր և կայացված որոշումներ։ Այդ պարագայում, այս նիստերից որի՞ կայացրած որոշումներն են վավեր և իրականացման ենթակա։

Իհարկե, պարզից էլ պարզ է, որ գործ ունենք ապակողմնորոշման էժանագին փորձի հետ, որը որևէ կապ չունի օրենքի հետ, իսկ ավագանու որոշումները կարող են ընդունվել ավագանու անդամների ընդհանուր թվի մեկ քառորդով միայն այն դեպքում, երբ նիստն իրավազոր է, այսինքն՝ սկսվել և ընթանում է ավագանու առնվազն 17 անդամի ներկայությամբ (Վանաձորի դեպքում մասնավորապես)։

Գրիգորի Դոխոյան
Արտակ Ս. Խաչատրյան
Անահիտ Կարապետյան
Գևորգ Գորգիսյան
Աննա Կոստանյան
Սերգե Ղահրամանյան
Կարինե Ղուկասյան
Հրանտ Այվազյան